पाल्पा - पूर्वखोला गाउँपालिका-६, हेक्लाङ पनेर्दीका स्थानीय बासिन्दा मन वहादुर घर्तीको घरमा आगोलागी भएको छ । शनिबार विहान बस्तुभाउलाइ कुँडाे पकाउने क्रममा नजिकै रहेको दाउरा सल्किएर घरमा आगो लागेकाे स्थानीय बासिन्दाले बताएका छन् ।
घरमा सल्किएको आगो स्थानीय बासिन्दाकाे सहयाेगमा नियन्त्रणमा लिइएकाे थियाे । आगलागीबाट घर्तीकाे धनसारमा रहेकाे खाद्य बस्तु र अन्नपात जलेर नष्ट भएकाे छ ।
नजिकै रहेका छिमेकीका कारण थप क्षति हुन नपाएकाे स्थानीय बासिन्दा रमेश घर्तीले जानकारी दिनुभयाे । गाउँमा नजिकै अन्य घरहरू समेत जल्नबाट बचेर ठूलाे दुर्घटनाबाट बचेकाे उहाँले बताउनुभयाे । घरमूलिका अनुसार आगलागीबाट ५ लाख बराबरकाे क्षति भएकाे छ ।
पूर्वखोला गाउँपालिकामा करिव ६०० घर धुरिको घर खरको छाना रहेको छ। अहिले गाउँपालिकाले खरको छाना विस्थापित गरी टिनकाे छानाे लगाउने अभियान चलाएपनि अझै सकिएकाे छैन । खरकाे छानाका कारण यहाँका बासिन्दा त्रासले बस्नु परेकाे छ ।
