पाल्पा –  रैनादेवी छहरामा जिपको ठक्करबाट पैदलयात्रीको मृत्यु भएको छ । मृत्यु हुनेमा रैनादेवी छहरा गाउँपालिका–१, सिद्धेश्वरका ४२ वर्षीय खड्कबहादुर पुन रहनुभएको छ । 
बिहीबार बेलुकी ६ बजेतिर रैनादेवी छहरा–४, धजाबान्नेस्थित अमलाबास–भुवनपोखरी भित्री कच्ची सडकखण्डमा भुवनपोखरीबाट सिद्धेश्वर जाँदै गरेको लु १ ज ४२३१ नम्बरको पिकअप जिपले बाटोमा हिडिरहनुभएका पुनलाई ठक्कर दिएको थियो । 
जिपको ठक्करबाट गम्भीर घाइते हुनुभएका पुनको उपचारका लागि तानसेनस्थित लुम्विनी मेडिकल कलेज प्रभासमा ल्याइएपनि चिकित्सकले मृत घोषणा गरेका थिए ।