पाल्पा – कला र साहित्यका क्षेत्रमा क्रियाशील व्यक्तिहरूलाई सम्मान गरिएको छ । पाल्पा साहित्य समाजको स्थापना दिवस, १७५ औँ छविलाल नेपाल जन्मजयन्ती, १२१ औँ माधव प्रसाद देवेकोटा जन्म जयन्तीको अवसरमा आठ जनालाई सम्मान गरिएको हो ।  
समाजले शनिबार तानसेनमा एक कार्यक्रम गरी साहित्यकार डिल्लीराज अर्याल, शान्ता शाक्य, कालुमान अमात्य, निलम गंगोल, महेशरत्न शाक्य, केशवलाल बज्राचार्य, बुद्धरत्न शाक्य, सुदनराज शाक्यलाई सम्मान गरेको जनाएको छ । विश्वहिन्दु महासङ्घका केन्द्रीय उपाध्यक्ष वेनबहादुर पौडेलक्षेत्री र समाजका अध्यक्ष पुष्करराज रेग्मीले संयुक्त रुपमा नगरसहित उहाँहरूलाई सम्मान गर्नुभयो । 
कार्यक्रममा भागवत खनाल, बरिष्ठ पत्रकार मेघराज शर्मा, समाजका संरक्षक राजेन्द्रगोपाल सिंह सम्मानित व्यक्तित्वहरु केशवलाल बज्राचार्य, बुद्धरत्न शाक्य, युवा नेता केशव बस्याल लगायतले शुभकामना दिनुभएको थियो । समाजका अध्यक्ष पुष्करराज रेग्मीको अध्यक्षता, संस्थाका सल्लाहकार चित्रवलीराम सुवालको स्वागत, सदस्य कमल बस्यालले पुरस्कृत व्यक्तित्वको चर्चा र सचिव सविता भट्टराईको सञ्चालनमा कार्यक्रम भएको हो ।