पाल्पा – रिव्दीकोट गाउँपालिकाले जेष्ठ नागरिक र एकल पुरुषलाई व्ल्याङ्केट वितरण गरेको छ । जाडोमा न्यानो प्रदान गर्न गाउँपालिकाले ८० जना जेष्ठ नागरिक र एकल पुरुषलाई व्ल्याङ्केट वितरण गरेको हो । रिव्दीकोट–७ वडा कार्यालयको आयोजनामा व्ल्याङ्केट वितरण गरिएको गाउँपालिकाले जनाएको छ । 
गाउँपालिकाको चालु आवको स्वीकृत कार्यक्रम अनुसार पालुङ् क्षेत्रका बृद्ध तथा एकल पुरुषलाई जाडोका प्रयोग गर्न सकिने ओढ्ने कपडा वितरण गरेको गाउँपालिकाका अध्यक्ष नारायणबहादुर कार्कीले बताउनुभयो । जेष्ठ नागरिकलाई जाडोमा न्यानो बाँड्नका लागि ओढ्ने कपडा वितरण गरेको उहाँले बताउनुभयो । व्ल्याङ्केट वितरण कार्यक्रम वडा नं. ७ का वडाअध्यक्ष दानबहादुर कुँवरको अध्यक्षतमा भएको हो ।