पाल्पा - आठौं मण्डली कपको फाइनलमा निस्दी भलिबल क्लब र मणिमुकुन्द भलिबल क्लब प्रवेश गरेकाे छ । पूर्वखोला गाउँपालिका वडा नम्बर-१,सिलुवामा तीन दिनअघिदेखि सन्चालन भएको आठौं मण्डली कपको फाइनलमा निस्दी भलिबल क्लब निस्दी,पाल्पा र मणिमुकुन्द भलिबल क्लब रुपन्देही प्रवेश गरेको छ ।
शुक्रबार सन्चालन भएको सेमिफाइनल खेलमा निस्दी भलिबल क्लबले पाल्पा भलिबल संघलाई २५-१७,२५-२३ र २१-२५ को सोझो सेटमा बिजयी हासिल गरेका थिए । त्यसैगरी निकै प्रतिस्पर्धा रहेको सेमिफाइनलको दोस्रो खेलमा मणिमुकुन्द भलिबल क्लबले १९-२५, २५-१९, २०-२५, २५-२३ र १५-९ को अन्तरमा रामपुर-१०, बर्दले माथि जीत निकालेको हो ।
त्यसैगरी लिग चरणमा सन्चालन हुने महिला भलिबल प्रतियोगितामा हिमालयन टाइगर क्लब चितवन र स्टेप भलिबल क्लब रामपुर बीच भएको प्रतिस्पर्धामा स्टेप भलिबल क्लब रामपुर,पाल्पा २-० को सोझो सेटमा बिजययी भएको छ भने निस्दी भलिबल क्लब पाल्पा र वालिङ भलिबल क्लब स्याङ्जा बीच भएको प्रतिस्पर्धामा वालिङ्ग भलिबल क्लब बिजयी भएका छन् ।
कार्तिक २१ गते देखि सन्चालन भएको प्रतियोगिताको अन्तिम दिन भोलि २४ गते फाइनल खेल सन्चालन हुने आयोजकले जनाएको छ । भलिबल प्रतियोगिताना पुरुष तर्फको खेलमा बिजेताले नगद १ लाख ५० हजार ट्र्फी मेडल र प्रमाणपत्र र उपबिजेताले नगद १ लाख ट्र्फी मेडल र प्रमाणपत्र प्राप्त गर्ने भएको छ भने तृतीय हुनेले नगद ७० हजार ट्र्फी मेडल र प्रमाणपत्र र सान्त्वना हुनेले नगद ३५ हजार ट्र्फी मेडल र प्रमाणपत्र प्राप्त गर्ने अध्यक्ष अन्त प्रसाद श्रेष्ठले वताउनु भएको छ ।
