पाल्पा - सिद्धार्थ राजमार्ग अन्तर्गत पाल्पाकाे गाैडेपुल नजिकै मोटरसाइकल दुर्घटना हुँदा एक जनाको मृत्यु भएको छ ।  एक जना गम्भीर घाइते भएका छन् । बुटवलबाट पाल्पा आउदै गरेकाे माेटरसाइकल तानसेन ८ गौडेपुल नजिकै भएकाे मोटरसाइकल दुर्घटनामा पछाडि बस्ने २७ वर्षीय साबित्रा थापाको ज्यान गएको हो ।

मंगलबार दिउँशाे २ बजेतिर लु ८८ प ५५६५ नम्बरको मोटरसाइकल अनियन्त्रित भई सडकदेखि अन्दाजी ५० मिटर तल खोलामा खस्दा मोटरसाइकल चालक तानसेन नगरपालिका ७ प्रभास बस्ने ४३ वर्षीय ईन्द बहादुर गाहा घाइते हुनुभएको छ ।

घाइते थापा र गाहालाई अस्पताल लगिएको र उपचारको क्रममा थापाको निधन भएको हो । गाहाको लुम्बिनी मेडिकल कलेज प्रभासमा उपचार भईरहेको छ । उहाँको अवस्था गम्भीर रहेको प्रहरीले बताएको छ । घटनाको सम्बन्धमा आवश्यक अनुसन्धान भइरहेकाे जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले जानकारी दिनुभयाे ।