पाल्पा – रामपुरको एक घरमा चोरी गर्ने तीन जना युवक पक्राउ परेका छन् । पक्राउ पर्नेमा रौतहट चन्द्रनिगाहापुर–१० का २४ वर्षीय आयुक आले, बझाङ् जिल्ला पाथीभारा–५ का १९ वर्षीय सन्तोष खत्री र चितवन कालिकानगर–१, का ३१ वर्षीय अवि तामाङ् रहेका छन् । 
पाल्पा रामपुर–४, कासजरिका रामबहादुर थापाको घरभित्र पार्किङ् गरी राखेको सवारीको लड फोडेर सुनका गरगहना, एलइडी, एन्ड्रोइड मोबाइल चोरी भएको थियो । उनीहरूको साथबाट चोरी लगेको एक लाख ७४ हजार बराबरको सामान बरामद् गरिएको जिल्ला प्रहरी कार्यालय पाल्पाले जनाएको छ । 
चोरी कार्यमा संलग्न युवामाथि थप अनुसन्धान भइरहेको जिल्ला प्रहरी कार्यालय पाल्पाका प्रहरी नायव उपरीक्षक सुनिल मल्लले जानकारी दिनुभयो ।