पाल्पा – पाल्पाको दुई वटा ट्रक ठोक्किदा एक जनाको मृत्यु भएको छ । मृत्यु हुनेमा रम्भा गाउँपालिका–३, का २३ वर्षीय भुवनसिंह राना रहेको प्रहरीले जनाएको छ । 
सिद्धार्थ राजमार्ग हुँदै बुटवलबाट पोखरातर्फ जाँदै गरेको लु १ ख ५३५१ नम्बरको ट्रकको ब्रेक फेल भई सोही दिशातर्फ गइरहेको ना १ क ७१२१ नम्बरको ट्रकलाई रम्भा–३, अघाहाखोलामा ठक्कर दिएको थियो ।

दुर्घटनामा परी लु १ ख ५३५१ नम्बरको ट्रक चालक रानाको मृत्यु भएको जिल्ला प्रहरी कार्यालय पाल्पाका प्रहरी नायव उपरीगक सुनिल मल्लले जानकारी दिनुभयो । रानाको लुम्विनी मेडिकल कलेज प्रभासमा उपचारको क्रममा मृत्यु भएको हो । घटनाबारे थप अनुसन्धान भइरहेको प्रहरीले जनाएको छ । सहचालक सन्जित खवासथापा घाइते हुनुभएकाे छ ।