पाल्पा - जिल्लाको निस्दी गाउँपालिका ८ सय घरधुरीमा नेपाल विद्युत् प्राधिकरणले राष्ट्रिय प्रसारण लाइनको बिजुली पुर्याइएको छ । ३ हजार ५ सय घरघुरी रहेको उक्त पालिकाको ७ नम्बर वडामा यसअघि कुनै पनि स्रोतको बिजुली पुगेको थिए । त्यस्तै, वडा नम्बर १ र २ मा साँझबिहान लघुजलविद्युत्को बिजुली बाल्ने गरिएको थियो ।
पालिकामा संघीय सांसद पाल्पा १ का नारायण आचार्य, विद्युत् प्राधिकरणको लुम्बिनी प्रादेशिक कार्यालयका प्रमुख नवराज ओझा, निस्दी गाउँपालिकाका प्रमुख मुक्तबहादुर सारुलगायतको उपस्थितिमा आइतबार फ्युज सेन्टर ९नोलाइट० समेत स्थापना गरिएको र १४ वटा लोड सेन्टर सञ्चालनमा ल्याइएको पाल्पा वितरण केन्द्र प्रमुख दिलिप मरासिनीले बताउनुभयाे ।
पाल्पा सदरमुकाम तानसेनबाट करिब १ सय किलोमिटरको दूरीमा रहेको अति दुर्गम निस्दीमा नेपाल विद्युत् प्राधिकरणको पाल्पा वितरण केन्द्रले विद्युत् वितरण गर्ने छ ।
‘विद्युत् पुगेपछि ८ सय घरधुरीमा मिटर जडान कार्य तीव्र पारेका छौँ,’ उनले भने, ‘यहाँका स्थानीयलाई पाल्पा जान टाढा पर्ने भएकोले मिटरका लागि आवेदन फारमहरु र मिटर गाउँमै ल्याएर वितरण गरिरहेका छौँ ।’
हालसम्म बिजुली नपुगेका उक्त पालिका घरहरुमा अहिले स्थानीयले हाउस वायरिङ समेत गरिरहेको र वायरिङ सकिएका घरमा बिजुली समेत बल्न थालिसकेको उहाँले बताउनुभयाे । बिजुली आएपछि स्थानीय हर्षित भएको उनले बताउनुभयाे ।
