पाल्पा – पाल्पाको रामपुरमा मोटरसाइकल आपसमा ठोक्किदा पाँच जना घाइते भएका छन् । घाइतेमध्ये तीन जनाको अवस्था गम्भीर रहेको छ । घाइते हुनेहरूमा रामपुर–१० अदमाराका १६ वर्षीय आकाश सारु, सोही स्थानका १७ वर्षीय सुदिप सिंजालीमगर, स्याङ्जा जिल्ला चापकोट नगरपालिका–९, का १९ वर्षीय विदुर भण्डारी, सोही स्थानका १९ वर्षीय सुदिप भण्डारी र सोही स्थानका ६ वर्षीय बालक एलएस भण्डारी घाइते हुनुभएको छ । घाइतेहरूमध्ये आकाश, विदुर र सुदिपको अवस्था गम्भीर रहेको छ । सोमबार बेलुकी ६ बजेतिर रामपुर–१० बर्दलेबाट रामपुर बजारतर्फ गइरहेको लु २१ प ५८४४ र रामपुरतर्फ नै गइरहेको लु २१ प ९९०२ नम्बरको मोटरसाइकल आपसमा ठोक्किदा पाँच जना घाइते भएको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो । घाइतेहरूको तानसेनस्थित मिसन अस्पतालमा उपचार भइरहेको छ । घटनाबारेमा थप अनुसन्धान भइरहेको प्रहरीले जनाएको छ ।