तानसेन – पाल्पामा एक जना युवाको डुबेर मृत्यु भएको छ । एक जना घाइते भएका छन् । जिल्लाको तिनाउ गाउँपालिका–३, स्थित भुतखोलामा डुबेर रुपन्देही जिल्ला सिद्धार्थनगर नगरपालिका–९ का २२ वर्षीय विमल आचार्यको मृत्यु भएको हो । यस्तै सोही स्थानका २६ वर्षीया युना दाहाल गम्भीर घाइते हुनुभएको छ । मङ्गलबार बिहान साढे १० बजेतिर रुपन्देहीबाट पाल्पातर्फ घुम्न आउनुभएका दुबैजनालाई भुतखोलामा डुबेको अवस्थामा देखेपछि स्थानीय बासिन्दाले उद्दार गरेका थिए । उद्दारपछि दुबैजनालाई उपचारको लागि बुटवलस्थित बुटवल अस्पताल प्रालिमा पठाइएको थियो । अस्पताल पु¥याएपछि आचार्यलाई चिकित्सकले मृत घोषणा गरेको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो । घटनाको बारेमा थप अनुसन्धान कार्य भइरहेको प्रहरीले जनाएको छ ।