पाल्पा - तानसेनमा शुभकामना आदान–प्रदान कार्यक्रम भएकाे छ । कार्यक्रममा पूर्व उद्योगमन्त्री एवं नेकपा एकीकृत समावादीका पोलिटब्यूरो सदस्य सोमप्रसाद पाण्डेयले नेपालीहरूकाे ठूलाे पर्व विजया दशमी, शुभ दिपावली, छठ पर्व र नेपाल सम्वत्का अवसरमा शुभकामना दिनुभयाे । उहाँले घर आगनमा आईपुगेको विजया दशमी, शुभ दिपावलीका अवसरमा जिल्लाका विभिन्न क्षेत्रका व्यक्तित्वहरुलाई शुभकामना दिनुभयाे । पाण्डेयले नागरिकको आँखामा आँसु देख्न नपरोस्, सबैमा समृद्धि छाओस्, सधै सकरात्मक सोच, परोपकारी भावना जागृत होस् भनेर कवितामार्फत शुभकामना दिनुभयाे । शुभकामना आदान–प्रदान कार्यक्रममा जिल्लाका प्रमुख व्यक्तिहरु, पूर्वमन्त्री, सांसद, सुरक्षा निकायका प्रमुख, विभिन्न राजनीतिक दलहरुका प्रमुख तथा प्रतिनिधिहरु, प्राध्यापक, साहित्यकार,पत्रकार, विद्यार्थी लगायतकाे सहभागिता रहेकाे थियाे ।