पाल्पा – ६८ औँ प्रहरी दिवसको अवसरमा निशुल्क आँखा शिविर गरिएको छ । जिल्ला प्रहरी कार्यालय पाल्पा र लायन्स लाकौल आँखा अस्पतालको संयुक्त सहकार्यमा निशुल्क आँखा शिविर गरिएको हो । शिविरमा जिल्लामा कार्यरत सिनियर प्रहरी अधिकृत, जुनियर अधिकृत, प्रहरी हवल्दार तथा जवानले सेवा लिएका छन् । जनताको सेवामा नियमित रुपमा खट्ने प्रहरीको आँखा जाँच पछि आवश्यक औषधि तथा उपचारका लागि परामर्श दिइएको लायन्स लाकौल आँखा अस्पतालका सभापति वुद्धिप्रसाद शर्माले बताउनुभयो । कार्यक्रममा पाल्पाका प्रहरी प्रमुख प्रहरी उपरीक्षक हेरम्व शर्माले जनताको सेवालाई प्रभावकारी र मजबुत बनाउन प्रहरी पनि स्वस्थ रहनुपर्ने भएकाले आँखा शिविरको आयोजना गरिएको बताउनुभयो । प्रहरी दिवसकै अवसरमा सोमबार जिल्ला प्रहरी कार्यालय पाल्पा परिसरमा वृक्षरोपण गरिएको प्रहरी उपरीक्षक शर्माले बताउनुभयो । प्रहरी परिसरमा विभिन्न जातका बिरूवा राेपिएकाे प्रहरीले जनाएकाे छ ।