पाल्पा - जिल्ला प्रहरी कार्यालयले जिल्लाका विभिन्न स्थानमा लागू औषधको रुपमा प्रयोग हुने गाँजा फँडानी गरेको छ । जिल्लाभर नै प्रहरीले अभियान सञ्चालन गरेर गाँजा फँडानी गरेको जनाएको छ । जिल्लाको विभिन्न स्थानमा खोजी गरेर समुदायसँगको सहकार्यमा गाँजाका बोट नष्ट गर्ने अभियान चलाएको जिल्ला प्रहरी कार्यालय पाल्पाका प्रहरी उपरीक्षक हेरम्व शर्माले जानकारी दिनुभयो । लागूऔषधसहित दुई जना युवा पक्राउ यस्तै लागूऔषध सहित प्रहरीले दुई जना युवालाई पक्राउ गरेको छ । सिद्धार्थ राजमार्ग हुँदै बाग्लुङ् जाँदै गरेको यात्रुबहाक बसलाई पाल्पाको बगनासकाली–५, आर्यभाङ्ज्याङ्मा चेकजाँच गर्ने क्रममा बसमा यात्रा गरेका यात्रुबाट लागूऔषध बरामद समेत गरिएको हो । लागूऔषधसहित बारा जिल्ला फेटा गाउँपालिका–२ का २५ वर्षीय सोहन हुसेन र बसका सहचालक स्याङ्जा जिल्ला पुतलीबजार नगरपालिका–५, बस्ने ३१ वर्षका किशोर विकलाई शुक्रबार दिउँशो पक्राउ गरेको जनाएको छ । पक्राउ परेका व्यक्तिबाट डाइजोपम १२१ एम्पुल, फेनेरेगन १२४ एम्पुल, आइपीपीएल १२१ एम्पुल फेला परेको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो । यसैबीच

प्रकाशित मिति: सोमबार, असोज २२, २०८०  २०:०४