पाल्पा – सिद्धार्थ राजमार्गमा अबैध रुपमा ढुङ्गा उत्खनन् गर्ने जेसिबी र ट्रिपरलाई प्रहरीले नियन्त्रणमा लिएको छ । जिल्लाको तिनाउ गाउँपालिका–३, हेथबक्स नजिकै सिद्धार्थ राजमार्गमा अबैध रुपमा ढुङ्गा उत्खनन् गरेका दुई वटा जेसिबी र दुई वटा टिप्परलाई प्रहरीले नियन्त्रणमा लिएको जिल्ला प्रहरी कार्यालय पाल्पाले जनाएको छ । प्रहरीले बा. प्र. १–००३ प ९१९४ र प्रदेश ३– ०१–०३ क ६७७७ नम्बरको जेसिबी र लु २ ख ३६६२ नम्बर र लु २ ख ३९६४ नम्बरको ट्रिपरलाई नियन्त्रणमा लिएको प्रहरी नायव उपरीक्षक सुगन्ध श्रेष्ठले जानकारी दिनुभयो । अबैध उत्खनन्मा प्रयोग भएका सवारीसाधनलाई कारबाहीका लागि सम्बन्धित निकायमा बुझाइएको छ । तिनाउ गाउँपालिकाको सिद्धार्थ राजमार्ग र तिनाउ नदी तटीय क्षेत्रबाट अत्यधिक नदीजन्य पदार्थ चोरी निकासी हुने गरेको छ ।