पाल्पा – जिल्लाको माथागढी गाउँपालिकाको वडा नं. १ चिदीपानीमा वडा कार्यालयको भवन सिलान्यास गरिएको छ । शुक्रवार माथागढी गाउँपालिका वडा नं १ चिदिपानीको वडा कार्यालयको प्रशासकीय भवनको सिलान्यास भएको छ । नवर्निमित भवनको माथागढी गाँउपालिकाअध्यक्ष यम बहादुर चिदीले शिलान्यास गर्नुभएकाे हाे । कार्यक्रममा वडा नं.४ का अध्यक्ष तथा प्रवक्ता शंकर र्दलामी र वडा नं.१ का अध्यक्ष राजकुमार पन्थीकाे सहभागिता रहेकाे थियाे । चिदीपानीमा अघिल्लो कार्यकालमा भवन बनाउने चर्चा भएता पनि स्थान र बजेट अभावले रोकिएको थियो । नयाँ जनप्रतिनिधि आएपछि भौतिक स्थान र बजेटको सुनिश्चितता गरेर भवन निर्माणको थालनी भएको वडा अध्यक्ष पन्थीले बताउनुभयो । उहाँले गतवर्ष टेन्डर गरिएको भवनको लागि ठेकेदार सम्पर्कमा नआएपछि केही ढिलो काम सुरु भएको तर आफूले ठेकेदारलाई पटक पटक ताकेता गरेर कामको थालानी गराएको बताउनुभयो । उहाँले आफ्नो चुनावी प्रतिवद्धता अनुसारको काममा दैनिक रुपमा सक्रिय भएर लागेको र यो भवनको सिलान्स पनि सोही काम भएको बताउनुभयो । लामो समय देखी पुरानो भवनवाट सेवा सुविधा दिदै आएको वडा कार्यालयले अवको केही समय पछि भने नवर्निमित भवनवाट सेवा दिन पाउने छ । १ करोड ६७ लाख बराबरको लागतमा निर्माणाधिन वडा कार्यालय भवनको औपचारिक रुपमा सिलन्यास भएको र अव छिट्टै नयाँभवनवाट सेवा दिन सक्दो पहल गर्ने समेत वडाध्यक्ष राजकुमार पन्थीले जानकारी दिनुभयो । विगत लामो समय देखि जग्गाको उपलब्धता नहुदा वडा कार्यालयको भवन बन्न सकेको थिएन् । भवन सिलान्यास कार्याक्रममा बोल्दै गाउँपालिकाका अध्यक्ष यमबहादुर चिदीले आफ्नो कार्यकालमा सबै वडाहरुमा सुविधा सम्पन्न भवन, पालिका भवन लगायतका जनताले देखिने गरेर काम गर्ने बताउनुभयो । उहाँले सुविधासम्पन्न भवनबाट जनताको काम र सेवाप्रवाह समेत चुस्तदुरुस्त हुने विश्वास व्यक्त गर्नुभयो ।