पाल्पा - जिल्लाको बगनासकालीमा वाइक र जीप ठक्कर खाँदा एक जनाको मृत्यू भएको छ । प्रहरीका अनुसार बगनासकाली गाउँपालिका ९ चापपानी स्थित भएको दुर्घटनामा तानसेनदेखी चापपानी हुँदै खानीगाउँतर्फ जाँदै गरेको लु ५५ प ६८५६ नम्बरको मोटरसाइकललाई विपरित दिशाबाट आएको लु १ ज १७५९ नम्बरको जीप एक आपसमा ठक्कर खाँदा बगनासकाली ७ का सुधन भट्टराई घाइते भएका थिए । घाइते भट्टराईको उपचारको लागि मिसन अस्पताल पाल्पामा पठाइएको र थप उपचारको लागि हेलिकप्टर मार्फत काठमाण्र्डौंको ग्राण्डि अस्पताल लगिएकोमा उपचारको क्रममा काठमाण्डौंमा निधन भएको थियो । घटनाको सम्बन्धमा थप अनुसन्धान जारी रहेको प्रहरीले जनाएको छ ।