पाल्पा- पाल्पाको जोर्तेमा सुख्खा पहिरोले स्कार्पियो पहिरोले पुरिदा तीन जनाको घटनास्थलमै मृत्यु भएको छ । तम्घासबाट बुटवलका लागि छुटेको लु १ ज ४६०० नम्बरको स्कारर्पियो आज बिहान ढुंगासहितको पहिरोले पुरिएर हो । दुर्घटनामा तीन जनाको मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयाे । सूचना अधिकारी थापाका अनुसार तीन जनाको घटनास्थलमै मृत्यु भएको र अन्य पाँच जना घाइते छन्। स्थानीय र प्रहरीसहितको टोली उद्दारमा लागेको छ । मृतकको सनाखत हुन बाँकी रहेको प्रहरीले जनाएको छ । सुख्खा पहिरोले स्कार्पियो च्यापिएर सडकको छेउमा रहेको छ । उक्त स्कार्पियोमा कति यात्रु यात्रा गरेको भन्ने एकिन भने भएको छैन । दुर्घटनास्थल तानसेन तम्घास सडक खण्डमा जर्छ । दुर्घटनाबारे थप विवरण आउँन बाँकी रहेको प्रहरीले जनाएको छ ।