बिकाश काफ्ले पाल्पा- सप्तपथ युवा क्लबको सातौं बार्षिक उत्सव तथा महिलाको महान चाड हरितालिका तिजको अबसरमा सांस्कृतिक विषेश कार्यक्रम हुने भएको छ । क्लवले चिदीपानीमा असोज १ गते सांस्कृतिक कार्यक्रम गर्न लागेको क्लवका अध्यक्ष शिव प्रसाद ढुङ्गानाले जानकारी दिनुभयाे । कला, संस्कृतिको संरक्षण गर्न क्लवले १ दिन विशेष सांस्कृतिक कार्यक्रमको आयोजना बिगतका बर्ष निरन्तर सांस्कृतिक कार्यक्रम गर्दै आएको कोरोना महामारी कारण तीन बर्ष कार्यक्रम नभएको उहाँले बताउनुभयाे । क्लवले कार्यक्रमबाट संकलन भएको केही रकमले मन्दिर रङ्गरोग पाटि पौवा रङ्गरोग गर्ने जनाएको छ । ‘सामाजिक कार्य ,हाम्रो अभियानः कला, संस्कृति र भेषभूषा हाम्रो पहिचान’ भन्ने मूल नाराका साथ क्लवले सांस्कृतिक विषेश कार्यक्रमको आयोजना गरिएको क्लकका कोषाध्यक्ष मुक्तिनाथ काफ्ले बताउनुभयाे । कार्यक्रममा अलिप खान अस्मिता डालाकोटी लगायतका स्थानीय कलाकार आउने भएका छन् । यस्तै गरी गाउँ ठाउँका सांस्कृतिक विषेश प्रस्तुति रहने भएको छ । कार्यक्रममा साझ लाइफ दोहोरी रहने आयोजकले जनाएको छ ।