पाल्पा । जिल्लाको चिदीपानीमा रहेकाे महिला उत्थान गाउ समन्वय समितिले तीज गीत प्रतियोगिता गर्ने भएको छ । माथागढी १ चिदीपानीको बैठक सिता गिरीको अध्यक्षतामा सम्पन्न बैठकले वडा स्तरीय प्रतियोगिता गर्ने भएको छ । वडा अध्यक्ष राजकुमार पन्थी, का पा सदस्य तुल्सा न्यौपाने वडा सदस्य टोल ब मश्राङगीको बिषेस उपस्थितिमा भएको बैठकले बैठकले २५ गते सोमबार चिदीपानी स्तरिय खुल्ला तिज गित गर्ने समितिले जनाएको छ । वडाका विभिन्न टाेलबाट प्रतियोगितात्मक कार्यक्रम गर्ने निर्णय गरेको गितको शिर्षक माथागढी १ चिदीपानीमा भएको र हुनुपर्ने बिकास कार्य र वडा कार्यालयको सेवा प्रवाहमा आधारित हुनुपर्ने छ । गीत समुहमा ५-७ जनाको सहभागिता सहित बाद्यबादक आफै ब्यव्स्थापन गनुपर्ने निर्णय भएको छ । प्रतियोगितामा प्रथम पुरस्कार ५००० दोस्रो ४००० तेस्रो ३००० सान्त्वना १५०० र सहभागी टिमलाई १००० पुरस्कार स्वरुप दिने समितिले निर्णय वडा अध्यक्ष राजकुमार पन्थीले जानकारी दिनुभयाे । उहाँले चिदीपानीकाे विकास निर्माणको प्रचार गीत मार्फत गर्न र संस्कृतिकाे जगेर्ना गर्न वडा स्तरीय प्रतियोगिता गरिएकाे बताउनुभयाे । वडाबाट छनाैट भएका सहभागिलाइ पालिका स्तरीय प्रतियोगितामा समेत भाग गराइने उहाँले रानीमहललाइ बताउनुभयाे ।