पाल्पा - पाल्पाको रामपुर नगरपालिका ८ खोरियाघाटमा एक पुरुष मंगलबार दिउँसो मृत अवस्थामा फेला परेका छन् । जिल्ला प्रहरी कार्यालय पाल्पाका प्रवक्ता एवं सूचना अधिकारी प्रहरी नायव उपरीक्षक वीरेन्द्र थापाका अनुसार रामपुर नगरपालिका ८ खोरियाघाटस्थित कालीगण्डकी नदी किनारमा नामथर वतन नखुलेको अन्दाजी ३०।३५ वर्षीय एक पुरुष मृत अवस्थामा फेला परेका हुन् । मृतकको शव पोष्टमार्टमको लागि रामपुर अस्पतालमा पठाइएको जिल्ला प्रहरी कार्यालय पाल्पाले बताएको छ । प्रहरीले घटनाको सम्बन्धमा अनुसन्धान गरिरहेको जनाएको छ ।