पाल्पा - पाल्पाकाे तानसेनमा सञ्चालित पाल्पा सिंगिङ्ग एण्ड डान्सिङ्ग आइडल २०२३ काे उपाधी गायन तर्फबाट बबिन राना र डान्सिङ तर्फबाट सुमित्रा शाक्यले प्राप्त गरेका छन । तानसेन नगरपालिका र आसपासमा रहेका विभिन्न पालिकाहरु भित्र रहेका बालबालिका र युवायुवतीहरुको गायन र नृत्य कलालाई सही मूल्याङ्कन गर्दै अघि बढाउने उद्देश्यका साथ सञ्चालन भएको पाल्पा सिंगिङ्ग एण्ड डान्सिङ्ग आइडल २०२३ जेठको अन्तिम साता देखि सुरु भई साउन २० गतेका दिन सम्पन्न भएको छ । कार्यक्रममा प्रमुख अतिथि तानसेन नगरपालिकाका नगर प्रमुख सन्तोषलाल श्रेष्ठकाे बिशेष उपस्थितिमा सञ्चालन भएको थियो । कार्यक्रममा गायन तर्फबाट १४ जना र डान्सिङ्ग तहबाट २४ जना फाइनल राउन्डमा पुग्न सफल भएका थिए । प्रतियाेगीतामा डान्सिङ्ग तर्फबाट द्वितीय स्थान हासिल गर्न सफल सुप्रिया थापा,तृतीय स्थान हासिल गर्न सफल पुष्पा सारु समूहकाे समुहलाई सिल्ड,मेडल र प्रमाणपत्र प्रदान गरिएको थियाे । भने गायन तर्फबाट प्रथम स्थान हासिल गर्न सफल बबिन राना, द्वितीय स्थान हासिल गर्न सफल भुवन सापकोटा र तृतीय स्थान हासिल गर्न सफल निलिमा कुमाललाई सिल्ड,मेडल र प्रमाणपत्र प्रदान गरिएको कार्यक्रम निर्देशक सुमित कुमार घिमिरेले जानकारी दिनुभयाे ।