पाल्पा – बालिकालाई बलात्कारको आरोप लागेका एक जना युवालाई प्रहरीले पक्राउ गरिएको छ । पक्राउ पर्नेमा तानसेन–८, पाँडेखर्कबस्ने वर्ष २२ का विशाल ठडराई रहेको प्रहरीले जनाएको छ । पक्राउ परेका युवाले गत साउन १४ गते बिहान नौँ बजे ११ वर्षकी बालिकालाई बलात्कार गरेको प्रहरीले जनाएको छ । सोही दिन दिउँशो १ बजे पुनः अर्की १३ वर्षकी बालिकालाई जबर्जस्ती करणीको प्रयास गरेको जिल्ला प्रहरी कार्यालय पाल्पाले जनाएको छ । पक्राउ परेका ठडराईमाथि थप अनुसन्धान भइरहेको पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।