पाल्पा – जिल्लाको रैनादेवी छहराका एक जना पुरुष मृत अवस्थामा फेला परेका छन् । रैनादेवी छहरा–५, अधेरीखोलाका ५४ वर्षका नेत्रप्रसाद पराजुली मृत अवस्थामा फेला परेको प्रहरीले जनाएको छ । विगत सात वर्षदेखि रिव्दीकोट–७, मैनादी कटहरबारीस्थित छविलाल नेपालको घरमा बस्दै आउनुभएका पराजुली गएराति गोठभित्र मृत अवस्थामा फेला परेको प्रहरीले जनाएको छ । तीनदिनअघि घरमाथि देखिनुभएका पराजुली केही दिनदेखि बाहिर देखिनुभएको थिएन । खोजी गर्ने क्रममा चुक्कल लगाएको गोठ कोठामाभित्र पराजुली मृत अवस्थामा फेला परेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।