पाल्पा – अविरल वर्षात्का कारण गएको पहिरोले गोठ बगाउँदा हलगोरुसहितका पशुचौपाया बगाएको छ । मङ्गलबार बिहान पहिरो आउदा जिल्लाको रिव्दीकोट–८, फेक लम्बाँसमा स्थानीय कर्णबहादुर बमरेलको गोठसहित पशुचौपाया बगाएको प्रहरीले जनाएकाे छ । बमरेलले पाल्नुभएको गोठमा रहेका एउटा लैनो भैसी, एक हल गोरु र अन्य पशुचौपाया बगाएर मरेको जिल्ला प्रहरी कार्यालय पाल्पाले जनाएको छ । बमरेलको एक तले गोठ माथिबाट खसेको पहिरोले गोठमा रहेको पशुचौपाया बगाएर मरेको पाल्पाका प्रहरी नायव उपरीक्षक वीरेन्द्र थापाले जानकारी दिनुभयो । सोही स्थानका धनबहादुर विकको समेत गोठ भत्किएको प्रहरीले जनाएकाे छ । अन्य स्थानकाे क्षतिकाे विवरण भने आउन बाँकी रहेकाे छ ।