पाल्पा – गएरातिदेखि परेको अबिरल वर्षात्का कारण पाल्पाको विभिन्न स्थानमा पहिरो गएको छ भने ठूला राजमार्ग अबरुद्ध बनेका छन् । वर्षात्ले पहिरो खसेपछि सिद्धार्थ राजमार्ग अबरुद्ध बनेको छ । यस्तै कालीगण्डकी कोरिडोर समेत अबरुद्ध बनेको प्रहरीले जनाएको छ । सिद्धार्थ राजमार्गको तिनाउ–३, स्थित दोभान नजिकै पहिरो खसेको प्रहरीले जनाएको छ । पहिरो खसेपछि अबरुद्ध बनेको सडक खुलाउने प्रयास भइरहेको जिल्ला प्रहरी कार्यालय पाल्पका प्रहरी नायव उपरीक्षक वीरेन्द्र थापाले जानकारी दिनुभयो । कालीगण्डकी कोरिडोर अन्तर्गत रम्भामा पहिरो खस्दा सडक अबरुद्ध बनेको छ । अबरुद्ध सडक खुलाउने प्रयास भइरहेको छ । यद्यपी पानी नरोकिँदा पहिरो हटाउन समस्या भएको प्रनाउ थापाले बताउनुभयो । सडक अबरूद्ध बनेपछि सडकमा यात्रा गर्ने यात्रुहरू अलपत्र बनेका छन् ।