पाल्पा - जिल्लाको रामपुरमा एक जना बृद्ध घर नजिकैको नालीमा मृत फेला परेका छन् । रामपुर–४, चनौली बस्ने वर्ष ७० का नरबहादुर गुरुङ् आफ्नै घर नजिकैको नालीमा मृत फेला पर्नुभएको हो । मङ्गलबार बिहान ७ बजेतिर गुरुङ् मृत फेला परेको जिल्ला प्रहरी कार्यालय पाल्पाले जनाएको छ । गुरुङ्को के कारणले मृत्यु भएको हो भन्ने बारेमा अनुसन्धान भइरहेको पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।