पाल्पा –माथागढी गाउँपालिकाका अध्यक्ष यमबहादुर चिदीले आफ्नो जन्मोत्सवको अवसरमा विद्यालयमा अक्षयकोष स्थापना गर्नुभएको छ । आफूले पालिकाबाट पाउने सुबिधाबाट अध्यक्ष चिदीले माथागढी–३, स्थित दिव्यज्योति नमूना माध्यमिक विद्यालयमा अक्षयकोष स्थापना गर्नुभएको हो । अध्यक्ष चिदीले आफू अध्ययन्रत विद्यालयमा जन्मोत्सवको अवसरमा अक्षयकोष स्थापना गर्न पाउँदा खुसी लागेको बताउनुभयो । उहाँले अक्षयकोष स्थापनाका लागि ५० हजार रुपियाँ विद्यालय व्यवस्थापन समितिका अध्यक्ष रेखीराम राना र निमिक्त प्रधानाध्यापक लोकेन्द्र थापालाई हस्तान्तरण गर्नुभयो । जन्मोत्सवको अवसरमा आफूले फजुल खर्च नगरी विपन्न विद्यार्थीको पढाईमा खर्च गर्ने गरी अक्षयकोष स्थापना गरेको जानकारी उहाँले दिनुभयो । अक्षयकोष स्थापना गर्नुभएकोमा विद्यालयका निमिक्त प्रधानाध्पक थापाले अध्यक्ष चिदीलाई धन्यवाद दिनुभयो ।