तानसेन - पाल्पामा तासको खालबाट १० जना जुवाडे पक्राउ परेका छन् । तानसेन–१, भुसलडाँडास्थित गुल्मी रेसुङ्गा तालतुङ् होटलको तेस्रो तल्लाबाट १० जनालाइ पक्राउ गरिएकाे हाे । तास खेलिरहेको अवस्थामा प्रहरीले आइतबार दिउँशो पौने २ बजे १० जनालाई पक्राउ गरेको हो । पक्राउ परेका जुवाडेको नाम भने प्रहरीले खुलाएको छैन । उनीहरूबाट ६६ हजार ८२५ रुपियाँ बरामद गरिएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो । उनीहरुबाट रातो र निलो तासका पत्ति समेत बरामद गरिएको छ । गोप्य सूचनाका आधारमा तास खेलिरहेको अवस्थामै उनीहरू रंगेहात पक्राउ गरिएको थापाले बताउनुभयो । उनीहरूलाई मुलुकी संहिता २०७४ बमोजिमको दफा १२५ बमोजिमको मुद्दा दर्ता गरिएको प्रनाउ थापाले बताउनुभयाे ।