पाल्पा – जिल्लामा आ.व. २०८०÷०८१ का लागि केन्द्रीय सरकारबाट अन्तर सरकारी वित्तिय हस्तान्तरण अन्तर्गत चार अर्व १६ करोड ४५ लाख बरावरको बजेट विनियोजन भएको छ । अर्थमन्त्री प्रकाशशरण महतले प्रस्तुत गरेको संघीय बजेटमा समानिकरण अनुदानमा १ अर्व १ करोड,ससर्त अनुदान चालु र पूँजीगतखर्च तर्फ २ अर्व ९५ करोड, विशेष अनुदान चालु र पूजीगतमा ११ करोड ५० लाख विनियोजित भएको छ । यस्तै समपुरक अनुदानमा ८ करोड ५ लाख गरी जम्मा ४ अर्व १६ करोड ४५ लाख विनियोजन भएको छ । पाल्पा जिल्लाको सबैभन्दा बढी बजेट तानसेन नगरपालिकामा ६९ करोड २० लाख, रामपुर नगरपालिकामा ४७ करोड ७७ लाख, रैनादेवी छहरामा ४७ करोड ७२ लाख बजेट विनियोजन भएको छ । यस्तैगरेर तिनाउँ गाउँपालिकामा ३२ करोड ६० लाख, निस्दीमा ४० करोड २० लाख, पूर्वखोला ३३ करोड ८ लाख, बगानासकालीमा ३५ करोड ४५ लाख, माथागढीमा ३९ करोड ४२ लाख, रम्भामा ३४ करोड ४९ लाख र रिब्दीकोटमा ३६ करोड ५२ लाख रुपैंया विनियोजन भएको छ । यस वर्ष पाल्पा जिल्लामा सबैभन्दा बढी तानसेन र कम तिनाउँ गाउँपालिकामा बजेट परेको छ ।