पाल्पा - माथागढी गाउँपालिकाको शिक्षा शाखाकाे आयोजना तथा नेपाल रेडक्रस सोसाइटी पाल्पाको समन्वयमा संचालित वक्तृत्वकला प्रतियोगिता सम्पन्न भएको छ । रक्तदान जीवनदान भन्ने शीर्षकको वक्तृत्वकला प्रतियोगितामा दिव्यजोति माविका रुपा आले प्रथम भएका छन् । प्रतियाेगितामा सौभाग्य माविका पूर्णिमा बराल द्धितीय, किसान माविका सुष्मा थापा तृतीय भएका थिए । कक्षा ११, १२ संचालित विद्यालयबाट सहभागि भएको प्रतियोगिताको प्रमुख अतिथि माथागढी गाउँपालिकाको उपाध्यक्ष विष्णुमाया लुंचेले बालबालिको आन्तरिक प्रतिभा प्रष्फुटनसँगै बौद्धिक विकासमा यस्ता कार्यक्रमले सहयोग पुग्ने बताउनुभयो । यस्तै सामाजिक विकास समितिका संयोजक राजकुमार पन्थीले विद्यालयको बौद्धिकता र सिर्जनशिलता प्रर्दशनमा यस्ता प्रतियोगिताले सहयोग गर्ने बताउनुभयो । उहाँले शैक्षिक विकासको गतिविधिमा नविनतम क्रियाकलापहरु संचालन गर्नुपर्ने बताउनुभयो । कार्यक्रममा नेपाल रेडक्रस सोसाइटी माथागढी उपशाखाका सभापति तारा रसाइली, सदस्य राजेश पन्थी, चन्द्रदेव पन्थी लगायतको उपस्थिति रहेको थियो । नेपाल रेडक्रस सोसाइटीका माथागढी उपशाखाका सचिव श्याम बहादुर ढेंगाको संचालनमा कार्यक्रम भएको थियो । छनौट भएका विद्यार्थीहरु जिल्ला स्तरीय वक्तृत्वकलामा सहभागि हुने छन् ।