तानसेन – जिल्ला प्रहरी कार्यालय पाल्पाले अबैध सालका काठसहित एक जनालाई पक्राउ गरेको छ । तिनाउ–३, हरियाली गाउँबाट लुकाईछिपाई रुपन्देहीतर्फ सालका काठ लैजाने क्रममा प्रहरीले दोभान चौकीबाट १८ क्वीफिट सालका काठसहित एक जना पुरुषलाई पक्राउ गरेको हो । पक्राउ पर्नेमा तिनाउ–३ का भीमबहादुर खत्री रहेका छन् । मङ्गलबार दिउँशो तिनाउ गाउँपालिका–३, हरियाली गाउँबाट लु २ ख ५९०३ नम्बरको बसको छतमा राखेर काठ बुटवलतिर लैजाने क्रममा प्रहरीले बरामद गरेको जनाएको छ । बरामद भएको काठ र पक्राउ परेका व्यक्तिलाई डिभिजन वन कार्यालयमा बुझाइएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।