पाल्पा - रामपुर-९, मधुकोटमा आगोलागीबाट ४ वटा घरहरू पूर्ण रुपमा जलेर नष्ट भएकाे छ । मंगलबार मधुकाेट नजिकै जंगलमा लागेको आगो सल्किएर बस्तीतर्फ आउदा ४ घर पूर्ण रूपमा जलेर खरानी बनेकाे छ । साे क्रममा १ घर आंशिक रुपमा क्षति भएको छ । आगलागीबाट ५ गाई गोठ र ४ वटा कटरा जलेको रामपुर-९ वडा अध्यक्ष डिलबहादुर रानाले जानकारी दिनुभयाे । आगोलागीबाट २ जना घाइते हुनु भएको छ । घाईते हुनेमा दल बहादुर साठिघरे र लक्ष्मी साठीघरे रहेको वडा अध्यक्ष रानाले बताउनुभयो । आगो निभाउने क्रममा उनीहरू घाइते भएकाे र उनीहरूकाे अनुहार, हातखुट्टामा आगाेले असर गरेकाे छ । आगाे मंगलबार दिउँसो करिब १:३० बजे तिर जंगलबाट बस्ती तर्फ पसेको स्थानीय बासिन्दाले बताएका छन् । आगलागीबाट भएकाे क्षतिकाे विवरण आउन बाँकी छ । नेपाल प्रहरी, स्थानीय बासिन्दाकाे सहयाेगमा बस्तीकाे आगो नियन्त्रण आएकाे छ । घरमा आगलागी भएपछि ती परिवार बिस्थापित भएका छन् । उनीहरूलाइ तत्कालका लागि स्थानीय सिद्ध प्राथमिक विद्यालयमा बस्ने व्यवस्था गरिएकाे रामपुर नगरपालिकाले जनाएकाे छ ।