पाल्पा – जिल्लाको रामपुरमा करेन्ट लागेर एक जना पुरुषको मृत्यु भएको छ । मङ्गलबार बिहान साढे ७ बजेतिर घरनजिकैको काभ्रोको रुखमा चढी घाँस काट्ने क्रममा करेन्ट लागेर रामपुर–५, भम्बकका गोविन्द कुमाल गम्भीर घाइते हुनुभएको थियो । करेन्ट लागेर गम्भीर घाइते हुनुभएका कुमालको रामपुर अस्पतालमा उपचारको क्रममा मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।