पाल्पा - रामपुर नगरपालिका–२ भलायटार पाल्पामा आगलागीबाट एउटा घरमा क्षति भएको छ । आईतबार विहान खाना बनाउने क्रममा ग्यास लिक भई भान्सा कोठाबाट सल्किएको आगोले समयमै निभाउन नसक्दा घर जलेकाे हाे । स्थानीय टिकाराम थापाको दुई तले कच्ची घरमा क्षति भएको प्रहरीले जनाएकाे छ । खाने पकाउने ग्याँस लिक भएर भान्सा कोठा बाट सल्किएको आगोले बरन्दा, दोस्रो तलाको तलामा रहेको धान लगायत अनाज, नगद, गरगहना, लत्ता कपडा नष्ट भएको प्रहरीले जनाएकाे छ । प्रहरीका अनुसार आगलागीबाट ३ लाख ८९ बराबरको क्षति भएको छ ।