पाल्पा - जिल्लाको माथागढी गाउँपालिका वडा नं. ७ चिर्तुग रहवासमा रहेको सिद्धार्थ माध्यमिक विद्यालयको ७२ औं वार्षिकोत्सव तथा अभिभावक दिवश कार्यक्रम सम्पन्न भएको छ । वार्षिकोत्सव कार्यक्रमका प्रमुख अतिथि माथागढी गाउँपालिकाका अध्यक्ष यमबहादुर चिदीले विद्यालयको भौतिक विकाससँगै शैक्षिक गुणस्तर अभिवृद्धिमा जोड दिनुपर्ने बताउनुभयो । उहाँले विद्यालयले संस्कार सहितको शिक्षा, व्यववासियक र सीपमुलक शिक्षातर्फ उन्मूख हुनेगरेर बालबालिकालाई सीप सिकाउनुपर्ने बताउनु भयो । चिदीले विद्यालय तहमै कम उमेरमा विवाह गर्ने प्रचलन रहेको बताउँदै त्यसता गतिविधि रोक्न विद्यालय र अभिभावकहरुको भूमिका महत्वपूर्ण हुने बताउनुभयो । विद्यालयको विकासमा पूर्खाहरुले खेलेको भूमिकालाई आत्मसाथ गर्दै शैक्षिक गुणस्तर अभिवृद्धि सहित सिकाई उपलव्धी र नतिजा उत्कृष्ठ हुनुपर्ने बताउनुभयो । उहाँले विद्यालयको शैक्षिक र भौतिक विकासमा पालिकाले सहयोग गरेको बताउँदै आगमि दिनमा समेत सहयोग गर्ने बताउनुभयो । यस्तै कार्यक्रममा प्रअ दिल बहादुर थापाले विद्यालयको वार्षिक प्रतिवेदन, आर्थिक प्रतिवेदन पेश गदै विद्यालयको विकासमा शिक्षक, अभिभावक र विव्यसको समन्वयात्मक सहकार्य भएमा सफल हुने बताउनुभयो । कार्यक्रममा वडा अध्यक्ष, वडा सदस्य, विभिन्न राजनीतिक दलका प्रमुख तथा प्रतिनिधि लगायतले विद्यालयको शैक्षिक भविष्यको लागि शुभकामना व्यक्त गर्नुभयो । वार्षिकोत्सवको अवसमार २०७९ सालको वार्षिक परीक्षामा उत्कृष्ठ हुने विद्यार्थी, विभिन्न खेलकूद, अतिरिक्त, बौद्धिक तथा सांस्कृतिक कार्यक्रममा प्रथम, दोस्रो र तेस्रो हुने विद्यार्थीलाई पुरस्कार, प्रमाणपत्र, मेडल लगायतले पुरस्कृत समेत गरिएको थियो । विद्यालयका शिक्षक प्रेम प्रसाद थापाको संचालनमा भएको कार्यक्रम विद्यालय व्यवस्थापन समितिका अध्यक्ष इन्द्र बहादुर सुनारीको अध्यक्षतामा भएको थियो ।