पाल्पा - सूचना प्रविधि दिवशको अवसरमा पाल्पामा प्रभातफेरी कार्यक्रम भएको छ । कम्प्यूटर एसोसिएसन नेपाल महासंघ पाल्पा शाखाको आयोजनामा प्रभातफेरी कार्यक्रम भएको हो । जिल्लाको तानसेन दरबारबाट सुरु भएको र्‍याली सहितको प्रभातफेरीले मखनटोल, सिल्खानटोल, लहरेपिपल, भीमसेनटोल, नारायणस्थान, असनटोल हुँदै सित्तलपाटीमा पुगेर सभामा परिणत भएको थियो । सभामा सम्बोधन गर्दै जिल्ला अध्यक्ष थमनबहादुर सारुले सूचना प्रविधिको बढ्दो विकाससँगै नकारात्मक असरहरु समेत देखिएकोले त्यसलाई निरुत्साहन गर्न सबै पक्ष लाग्नुपर्ने बताउनुभयो । उहाँले सरकारले समेत इगर्भमेन्स र डिजिटल नेपालको कल्पना गरेको बताउँदै त्यसको विकासमा सबै क्षेत्रको सहयोग आवश्यक रहेको बताउनुभयो । उहाँले कार्यक्रममा सहभागि सबैलाई धन्यवाद समेत दिनुभयो । कार्यक्रममा क्यान महासंघ पाल्पाका पूर्व अध्यक्ष, पदाधिकारी, प्रदेश समितिका पदाधिकारी र क्यानमा आवद्ध कम्प्यूटर व्यवसायीहरु, विद्यार्थीहरुको सहभागिता रहेको थियो । कार्यक्रम संचालन क्यान पाल्पाका सचिव सुदिप पौडेलले गर्नुभएको थियो ।