पाल्पा । रैनादेवी छहरामा पालिका स्तरीय नागरिक आराेग्य सम्बन्धि अभिमुखिकरण कार्यक्रम भएकाे छ । छहरा आयुर्वेद औषधालयको आयोजनामा रैनादेवी छहरा गाउँपालिकाका कार्यपालिका सदस्यहरू तथा कर्मचारीहरूको लागि नागरिक आरोग्य सम्बन्धी अभिमुखीकरण कार्यक्रम सञ्चालन भएको हाे । कार्यक्रम गाउँपालिका अध्यक्ष रुक्माङ्गत भट्टराईको अध्यक्षतामा सञ्चालन भएको थियो। उक्त कार्यक्रममा प्रमुख प्रशासकीय अधिकृत दिनेश सारु, गाउँकार्यपालिकाका सदस्यहरू, विभिन्न शाखाका कर्मचारीहरूको सहभागिता रहेको थियो। कार्यक्रमको सञ्चालन छहरा आयुर्वेद औषधालयका कविराज पङ्कज रायमाझीले गर्नुभएको थियो र कार्यक्रममा डा. रोमहर्ष नेपालले अभिमुखीकरण प्रदान गर्नुभएको थियो।