पाल्पा - निस्दी गाउँपालिका पाल्पामा अन्तर पालिका स्तरीय पुरुष भलिबल प्रतियोगिता हुने भएको छ । बैशाख २३ गते शनिबार देखि सन्चालन हुने प्रतियोगिता गल्धाको दल बहादुर जर्घा स्मृति खेल मैदान ढुंगानाबेंसीमा हुने भएको हो । प्रतियोगितामा विजेता समूहलाई नगद १ लाख २० हजार,ट्रफी,मेडल र प्रमाणपत्र प्रदान गरिने निस्दी भलिबल संघका वरिष्ठ उपाध्यक्ष धन बहादुर जर्घाले बताउनु भएको छ । त्यसैगरी उपविजेता समूहलाई नगद ८० हजार, तृतीय हुनेलाई नगद ५० हजार र सान्त्वना हुने समूहलाई नगद ३० हजार सहित ट्रफी, मेडल र प्रमाणपत्र प्रदान गरिने वरिष्ठ उपाध्यक्ष जर्घाले बताउनुभयो । खुला अन्तर पालिका स्तरीय भलिबल प्रतियोगितामा सहभागी खेलाडीहरुलाई आवास सहितको प्रतियोगितामा विभिन्न विधागत पुरस्कारहरु समेत समावेश गरिएको खेल संयोजक उमेश गाहाले बताउनुभयो । निस्दी गाउँपालिका पाल्पाले ७ लाख रुपैयाँ आर्थिक सहयोग गर्ने प्रतियोगितामा दर्ता शुल्क भने ५ हजार रुपैयाँ रहेको छ । बैशाख २२ गते शुक्रबारसम्म अन्तिम दर्ता समय रहेको प्रतियोगिता निस्दी गाउँपालिकाको आयोजना र निस्दी भलिबल संघको सह-आयोजनामा सन्चालन हुने भएको हो ।