पाल्पा – पाल्पामा दुई जनाको मृत्यु भएको छ । बाल्टिनका डुबेर एक जना र अर्को एक जनाको भूतखोलामा लड्दा डुबेर मृत्यु भएको प्रहरीले जनाएको छ । जिल्लाको तिनाउ गाउँपालिका–२, हरियाली गाउँका ४५ वर्षका डम्मरबहादुर खत्रीको शौचालयमा रहेको बाल्टिनको पानीमा डुबेर मृत्यु भएको प्रहरीले जनाएको छ । श्रीमतीको माइतमा बस्दै आएका खत्री शौचालयका लागि ट्वाइलेटमा गएर बाहिर निस्केका थिएनन् । बाहिर ननिस्केपछि उनको खोजी गर्दा ट्वाइलेटमै चुक्कल लगाएको अवस्थामा बोलाउदा नबोलेपनि ढोका फोडेर हेर्दा उनी पानीमा डुबेको अवस्थामा फेला परेको प्रहरीले जनाएको छ । यस्तै तिनाउ गाउँपालिका–३, भूतखोलामा डुबेर एक जना युवकको मृत्यु भएको छ । रुपन्देही जिल्ला सिद्धार्थनगर नगरपालिका–१२ बेलहिया बस्ने वर्ष २० का शिवम जैसवालको भूतखोलामा खसेर मृत्यु भएको हो । भूतखोलामा घुम्न जाने क्रममा चिल्पिएर खोलामा खसेका जैसवालको उद्धार गरी उपचारका लागि लुम्विनी प्रादेशिक अस्पताल बुटवलमा पठाइएको थियो । तर जैसवाललाई चिकित्सकले मृत घोषणा गरेका थिए । दुबै घटना बैशाख १ गते बिहान भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।