पाल्पा - नेपाल भरीका सामुदायिक बिध्यालय ब्यबस्थापन समितिहरुको छाता संगठन सामुदायिक बिध्यालय ब्यवस्थापन समिति महासंघ नेपालको तेस्रो केन्द्रीय महाधिबेशन बाट पाल्पाको रैनादेवी छहरामा रहेको भैरव नवदिप नमुना माविका बिधालय ब्यावस्थापन समितिका अध्यक्ष नल बहादुर राना निर्बाचित भएका छन । राष्ट्रले अँगालेको संघीयताको नीति अनुसार स्थानीय स्तरमा विद्यालयको रेखदेख, सञ्चालन र व्यवस्थापन गर्न र बिधालयको शैक्षिक गुणस्तर सुधारमा आफ्नो पक्ष बाट पौरवी गर्ने केन्द्रिय उपाध्यक्ष नल बहादुर रानाले रानीमहलसँगकाे कुराकानीमा बताउनुभयाे । सामुदायिक विद्यालय सुधार र सार्वजनिक शिक्षा बलियो बनाउन विद्यालय व्यवस्थापन समितिहरुको बिचमा नीतिगत बहस तथा छलफल गरेर अगाडी बढ्ने समेत रानाले बताउनुभयाे । चैत्र २१ र २२ गते काठमाडौंमा सम्पन्न भएको देशभरिका ७५३ स्थानीय तहका विद्यालय व्यवस्थापन समितिका पदाधिकारी सहभागी भएको कार्यक्रम बाट पाल्पाका रानालाई सर्व सहमतीमा उपाध्यक्ष पदमा चएन गरेका हुन ।