पाल्पा - जिल्लाको रैनादेवी छहरा–८ बुुडीदमारस्थित खरबारीमा एक युवक मृत अवस्थामा फेला परेका छन् । बुडीदमारका ३० वर्षका हिमबहादुर राना मृत फेला परेकाे प्रहरीले जनाएकाे छ । मंगलबार विहान बाख्रा चराउन घरबाट निस्किएका राना अबेरसम्म पनि घर नफर्किएपछि आफ्न्तले प्रहरीलाई जानकारी गराएका थिए । खोजतलास गर्ने क्रममा घरनजिकैको खरबारीमा राना मृत अवस्थामा फेला पारिएको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयाे । शवको पोष्टमार्टका लागि प्रादेशिक अस्पताल बुटवलमा पठाइएको छ । घटनाको विषयमा थप अनुसन्धान भइरहेको थापाले बताउनुभयाे ।