पाल्पा - केमबहादुर खाम्चा स्मृति प्रतिष्ठान पाल्पाको दोस्रो स्मृति दिवस समारोह निस्दी गाउँपालिका मित्यालमा सम्पन्न भएको छ ।
प्रतिष्ठानका अध्यक्ष देबिलाल लामिछानेको अध्यक्षतामा भएको समारोहमा नेपाल कम्युनिस्ट पार्टी प्रतिनिधि सभा निर्वाचन क्षेत्र नम्बर १ का संयोजक बुद्दिराज गौतम नेपाल कम्युनिस्ट पार्टी जिल्ला सदस्य तथा निस्दी गाउँपालिका अध्यक्ष मुक्त बहादुर सारु नेकपा जिल्ला सदस्य तथा निस्दी इन्चार्ज बलु गैरे जिल्ला सदस्य भुवन थापा नेकपा निस्दीका सचिव रामप्रसाद खत्री नेकपा नेता राजेन्द्र लम्साल, किरण कुमारी श्रेष्ठ लगायतले बोल्नुहुँदै खाम्चाको योगदान र चर्च गर्दै सपना पुरा गर्नुपर्ने बताउनुभयो ।
खाम्चालाई मित्याल गाविस अध्यक्ष भएको बेला दश वर्षे जनयुद्धमा तत्कालिन विद्रोही पक्षले हत्या गरेको थियो। समारोहको संचालन प्रतिष्ठानका सचिव हेम बहादुर खाम्चाले गर्नुभएको थियोे । यसैबीच नेपाली कांग्रेस परित्याग गरि मित्यालका ११ जना युवाहरु नेकपामा प्रवेश गरेको खबर प्राप्त भएको छ।
