पाल्पा - पाल्पामा एक जना वृद्ध मृत फेला परेका छन् । पश्चिम पाल्पाको रैनादेवी छहरा गाउँपालिका वडा नं. ८, कोहलका ७० वर्षीय रनबहादुर रेश्मी गएराति मृत अवस्थामा फेला परेको प्रहरीले जनाएको छ । आइतबार बिहान आफ्नो घरको खानेपानीको पाइप बनाउन घर नजिकै भल्टेखानी गैरामा गएका रेश्मी घरमा नफर्किएपछि खोजतलास गर्ने क्रममा भल्टेखोनी गैरा नजिकै मृत अवस्थामा फेला परेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले बताउनुभयाे । भल्टेखानी गैरा माथिबाट खसेको ढुङ्गाले लागेर रेश्मीको मृत्यु भएको अनुमान गरेपनि प्रहरीले अनुसन्धाज जारी रहेको जनाएको छ ।