पाल्पा - निस्दी गाउँपालिका पाल्पामा आगामी चैत २६ गते आइतबार सार्वजनिक सुनुवाइ हुने भएको छ । गाउँपालिकाको आयोजनामा सन्चालन दोस्रो चौमासिक सार्वजनिक सुनुवाइमा उपस्थिति जनाउन गाउँपालिकाले जनाएको छ । आर्थिक वर्ष २०७९/८० मा गाउँपालिकाले गरेका योजना तथा कार्यक्रम बारे सम्बन्धित सबैलाई जानकारी दिने उद्देश्यले सार्वजनिक सुनुवाइ राखिएको प्रमुख प्रशासकीय अधिकृत ध्रुव दयालले बताउनु भएको छ । विगत केही वर्ष देखि सार्वजनिक सुनुवाइलाई निरन्तरता दिएको निस्दीले यस पटक गाउँपालिकाको बहुउद्देश्यीय हल बसेनीमा सन्चालन गर्ने भएको छ ।