पाल्पा - निस्दी गाउँपालिका पाल्पामा चौथो अध्यक्ष कप भलिबल प्रतियोगिता वडा नम्बर-३,झिरुबासको काउले डाँडाको खेलमैदानमा हुने भएको छ । निस्दी भलिबल संघका बरिस्ठ उपाध्यक्ष धन बहादुर जर्घाको अध्यक्षतामा शनिबार बसेको बैठकले उक्त निर्णय गरेको हो । बैठकले यहीँ पौष महिनाको २७ गते बुधबार देखि अन्तर वडा स्तरीय पुरुष तथा महिला भलिबल प्रतियोगिता आयोजना गर्ने भएको छ । प्रतियोगितामा पुरुष तर्फ बिजेता हुने समूहले नगद ५५ हजार,ट्रफी,मेडल र प्रमाणपत्र पाउनेछन् । यसैगरी उपबिजेताले नगद ४० हजार,तृतीय हुनेले नगद २५ हजार र सान्त्वना हुने समूहले नगद १५ हजार ट्रफी,मेडल र प्रमाणपत्र पाउनेछन् । यसैगरी महिला तर्फ बिजेता समूहले नगद ३२ हजार,उपबिजेताले नगद २४ हजार,तृतीयले १६ हजार र सान्त्वनाले ८ हजार ट्रफी,मेडल र प्रमाणपत्र पाउने आयोजकले बताएको छ । साथै पुरुष तथा महिला दुबै समूहहरुमा बिधागत पुरस्कारको व्यवस्था समेत गरिएको बताएको छ । गत वर्षको तेस्रो अध्यक्ष कप प्रतियोगिता गल्धामा सन्चालन गरेको निस्दीले यसपटक भने पर्यटकीय स्थल काउले डाँडामा सन्चालन गर्ने भएको हो ।