पाल्पा - निस्दी गाउँपालिका पाल्पाको हिउँदे गाउँ सभा आगामी पौष १८ गते सोमबार हुने भएको छ । गाउँपालिका अध्यक्ष मुक्त बहादुर सारुको अध्यक्षतामा बुधबार बसेको बैठकले उक्त निर्णय गरेको गाउँपालिका प्रवक्ता मेख बहादुर सुनारीले बताउनु भएको हो । बैठकले वडा नम्बर-१,बाकामलाङ्ग,वडा नम्बर-४,मित्यालको डुँडीदमार र वडा नम्बर-७,ज्यामिरेको हुवासमा सामुदायिक स्वास्थ्य इकाइ स्थापना गर्ने निर्णय गरेको छ । यसैगरी यसअघि टेण्डर नभएका घाटहरु वडा नम्बर-४,मित्याल र वडा नम्बर-७ को घाटहरु टेण्डर आह्वान गर्ने भएको छ भने विभिन्न शिर्षकमा रहेका योजना तथा कार्यक्रमहरुको रकमान्तर गरिएको गाउँपालिका अध्यक्ष सारुले जानकारी दिनुभएको छ । साथै आगामी गाउँ सभाको तयारीका लागि निस्दीको पर्यटकीय स्थल झिरुबासको काउले डाँडामा पौष १५ गते बैठक बस्ने गाउँपालिकाले जनाएको छ