पाल्पा - निस्दी गाउँपालिका पाल्पा निवासी दिल बहादुर मश्राङ्गीले आफ्ना स्वर्गीय श्रीमतिको सम्झनामा अक्षयकोष स्थापना गर्नुभएको छ । आफ्ना स्वर्गीय श्रीमती रेवन्ति मश्राङीको स्मृतिमा गोरखनाथ माध्यमिक विद्यालय निस्दी-६,अर्चले,पाल्पामा स्मृति अक्षयकोष स्थापना गर्नुभएको हो । ५० हजार ५०५ रुपैयाँको अक्षयकोष बापतको रकम गरीब तथा जेहन्दार विद्यार्थीहरुका लागि सो रकम उपलब्ध गरिएको अक्षयकोषदाता मश्राङीले बताउनुभयो । मश्राङीले एक कार्यक्रमका बिच विद्यालय विद्यालय व्यवस्थापन समितिका अध्यक्ष बलु गैरेलाई हस्तान्तरण गर्नुभएको हो । कार्यक्रममा प्रमुख अतिथि वडा नम्बर-६,अर्चलेका वडाध्यक्ष मेख बहादुर सुनारीले अक्षयकोषदाता मश्राङ्गीको प्रशंसा गर्नु हुँदै सामाजिक कार्यको योगदानको बारेमा चर्चा गर्नुभएको थियो । विद्यालय व्यवस्थापन समितिका अध्यक्ष गैरेको अध्यक्षतामा भएको कार्यक्रमको सन्चालन शिक्षक लाल बहादुर रानाले गर्नुभएको हो ।