पाल्पा - निस्दी गाउँपालिका वडा नम्बर-५,गल्धाको बाङ्लाङ्गमा साविक वडा स्तरीय पुरुष तथा महिला भलिबल सम्पन्न भएको छ । लालीगुराँस युवा क्लबको आयोजनामा सम्पन्न भएको पुरुष भलिबल प्रतियोगितामा बाकामलाङ्गको डाबराले प्रथम पुरस्कार हात पारेको छ । जम्मा १२ समूहको सहभागिता रहेको प्रतियोगितामा आयोजक र बालचेतना बाल क्लबले तृतीय स्थान हासिल गरेको छ । यसैगरी महिला भलिबल प्रतियोगितामा निस्दी गाबुडाँडाले प्रथम स्थान हासिल गरेको छ भने द्वितीय आयोजक र तृतीय ज्यामिरेको सिन्दुरेले तृतीय स्थान प्राप्त गरेको आयोजकले जनाएको छ । जसमा पुरुष तर्फको खेलमा प्रथम,द्वितीय र तृतीय हुने समूहलाई क्रमश : नगद ३० हजार,२० हजार,१० हजार ट्रफी,मेडल र प्रमाणपत्र प्रदान गरिएको थियो । विजयी समूहलाई एक कार्यक्रम बिच प्रमुख अतिथि गल्धाका वडाध्यक्ष दुर्ग बहादुर सोमैले पुरस्कार वितरण गर्नुभएको थियो । क्लबका अध्यक्ष बेद बहादुर लम्काहाको अध्यक्षतामा चलेको कार्यक्रमको सन्चालन सचिब भीम मगरले गर्नुभएको हो ।