पाल्पा - पूर्वखोला गाउँपालिका सिलुवा पाल्पामा सन्चालन भएको छैठौं मण्डली कपको उपाधि स्याङ्जाको चापाकोटले हात पारेको छ । कार्तिक १६ गते बुधबार देखि सन्चालन भएको भलिबल खेलमा श्रीनगर भलिबल क्लब तानसेन पाल्पाले उपविजेतामा चित्त बुझाएको छ । मण्डली स्पोर्ट्स क्लबको खेलमैदान सिलुवामा सन्चालन भएको प्रतियोगितामा चापाकोटले श्रीनगर भलिबल क्लब माथि जीत हासिल गरेको हो । खेलमा चापाकोटले २५-२०,२७-२५,२५-१७ र १८-२५ को अन्तरमा जीत आफ्नो पक्षमा पारेको हो । यसैगरी आयोजक मण्डली स्पोर्ट्स क्लबलाई पछि पार्दै मणिमुकुन्द भलिबल क्लबले तेस्रो स्थान प्राप्त गरेको छ । खेलमा मणिमुकुन्दले आयोजक टीमलाई २१-२५,२७-२९ र १५-२५ अंकको सोझो सेटमा जितेको हो । बिजेता समूहलाई नगद १ लाख रुपैयाँँ र ट्रफी,उपविजेतालाई नगद ७० हजार र ट्रफी अनि तृतीय हुने समूहलाई नगद ४० हजार,ट्रफी र सान्त्वना हुने समूहलाई नगद २० हजार,ट्रफी र प्रमाणपत्र वितरण गरिएको थियो । विभिन्न विधागत पुरस्कार समेत प्रदान गरिएको कार्यक्रममा आर्थिक सहयोग गर्ने सहयोग दाताहरुलाई समेत सम्मान गरिएको थियो । क्लबका अध्यक्ष अनन्त प्रसाद श्रेष्ठको अध्यक्षतामा चलेको कार्यक्रमको मुख्यपाहुना पूर्वखोला गाउँपालिका पाल्पा अध्यक्ष नून बहादुर थापा रहनुभएको हो । कार्यक्रममा बोल्नु हुदै अध्यक्ष थापाले क्लबले खेलकुदको बिकासमा राम्रो गरेकि बताउदै खेलकुदको बिकास साथै युवा लक्षित कार्यक्रम सन्चालन गर्न गाउँपालिका सधै तत्पर रहेको बताउनुभयो । पूर्वखोला खेलकुद समितिका सचिब नविन आचार्यको स्वागत मन्तव्यबाट शुरु भएको कार्यक्रमको सन्चालन सचिब कृष्ण पंगेनीले गर्नुभएको हो ।